Mokopane: Mmasepala wa Selegae wa Mogalakwena o amogetše dipego go tšwa go badudi mabapi le meetse a maso goba a go fetoga mmala mafelong a itšego.
Meetse a go fetoga mmala (a sootho) a hlolwa kudu ke tšhipi le manganese tšeo di tšwago mothopong wa letamo ka sehla sa pula ka lebaka la phetogo ya matamo. Ge maemo a matamo a le godimo, sedimente e kgoboketšwa ka matamong gomme e a šišinywa ge meetse a elela ka gare ga tshepedišo ya kabo, mafelelong a fihla dintlheng tša tšhomišo. Ka baka leo, badudi ba ka itemogela meetse a maso. Go fetoga ga mmala go ka direga gape nakong ya go lokišwa ga tshepedišo.
Bahlankedi ba mmasepala, mmogo le sehlopha sa Meetse le Tlhokomelo, ba etetše Lepelle Northern Water kua Doorndraai go nyakišiša modu wa bothata bjo, ka ge Lepelle Northern Water e le moabi wa ditirelo tša Mokopane le Extensions.
Re sola ka maatla ditiro tša dihlopha tše itšego tša kganetšo tšeo di phatlalatšago diswantšho tša kgale go aroša badudi le go lwa dintwa tšeo di sa rego selo. Tšhomišompe ye bjalo ya ditaba tša leago e šoma fela go hlola kgakanego le tlalelo setšhabeng.
Sehlopha sa rena sa sethekniki se nyakišiša ka mafolofolo sebaki sa taba ye. Ge mothopo o šetše o lemogilwe, magato a phošollo a tla phethagatšwa ka pela go bušetša boleng bjo bo tlwaelegilego bja meetse.
Mmasepala o kgopela tshwarelo ka pelo ka moka ka mathata afe goba afe ao a hlotšwego gomme o kgonthišetša setšhaba gore go rarolla taba ye e sa le selo sa pele.
Thuto ye ya Peakanyo ya Togamaano ga se boitšhidullo bja ka mehla. Ke sebaka sa gore dikgoro di sekaseke mošomo ka tsinkelo, di šupa dikgoba le go sepelelana le dilo tše di tlago pele le methopo ye e lego gona.
Ka dipoledišano tše di tsepeletšego, re ikemišeditše go maatlafatša pušo, go kaonafatša kgoboketšo ya letseno, le go aga bokgoni bja setheo bjo bo nyakegago go aba ditirelo tša go ya go ile. Boleng bja dipoledišano tša rena bo tla laola go botega le go phethagatšwa ga maano a rena.
